Меню
16+

Сетевое издание «Голос Эренлара»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ДАССР-дин сад лагьай Кьил

Панагьан хва, Самурви Эфендийрин неве Нажмудин Самурский (1891-1937) – Дагъустандин гьукуматдин ва жемиятдин деятель, ДАССР-дин сад лагьай Кьил 1891-йисуз Дагъутан областдин Къурушрин хуьре дидедиз хьана.

1913-йисуз Нажмудина Иркутск шегьердин дагъдин техникадин училище акьалтlарна. Дагъустанда къуллугърин рехъ кьиле тухвай, Дагъустандин ЦИК-дин председатель яз (1921-1927-й) ва Дагъустандин партиядин обкомдин сад лагьай секретарь яз (1934-1937) Нажмудин Самурскийди чи республика экономикадин, сиясатдин ва руьгьдин жигьетдай вилик тухуниз еке таъсирна.

Нажмудина вичин карчивилин ерийралди Дагъларин уьлкведин энергетика, машинар эцигунин кар, нафтlадин, балугърин ва консервийрин санайи виликди тухуниз куьмекар гана, церин реформа кьиле тухвана, дагъвияр арандиз куьч жедай месэла гьялна, ада Дагъустан Юго-Восточный крайдикай хкудна Москвадихъ галаз алакъайра туна.

Самурскийди дикъет гайивал, Дагъустандин халисан автономия вичи вич пулуналди таъминардайди, республикада кардик квай карханаяр къазанжияр гъидайбуруз элкъуьрун тир. Ида РСФСР-дин казнадиз еке пулдин такьатар къазанмишунин рехъ кутадайдахъ инанмивал авай.

Нажмудин Самурскийди Нажмудин Гоцинскийдин дяведиз экъечlун вичин отрядар галаз кlаник кутунай 10 вацра давам хьайи ягъунра Гуниб ва хунзах къелеяр азадна, 700 касдикай ибарат десте тергна. Абурувай дяведин яракьар вахчуна. Нажмудин Самурский граждан дяведин игит тlвацlиз лайихлу хьанай.

1937-йисуз са тахсирни квачиз ам, репрессийрин дувандик акатна. Бедбахтвилин гьалара кечмш хьана. Хайи хуьре адаз гуьмбет эцигнава. Нажмудинан тlварунихъ колхозар, мектебар ва маса идараяр янава, республикадин шегьеррин куьчейриз адан тlвар ганва.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

22